کراچی میں 4 روزہ ہیٹ ویو کا آج پہلا دن، درجہ حرارت کہاں تک جاسکتا ہے؟

کراچی میں 4 روزہ ہیٹ ویو کا آج پہلا دن، درجہ حرارت کہاں تک جا سکتا ہے؟

کراچی میں 4 روزہ ہیٹ ویو کا آج پہلا دن ہے جب کہ پارہ 41 ڈگری تک جانے کا امکان ہے۔ محکمہ موسمیات کے مطابق شہر میں سمندری ہوائیں بند ہیں تاہم جنوب مغربی کے بجائے شمال مغربی ہوائیں چلنے لگیں، آج زیادہ سے زیادہ درجہ حرارت 39 سے 42 ڈگری سینٹی گریڈ رہنے کا امکان ہے، جب کہ دن بھر موسم گرم اور خشک رہے گا۔

واضح رہے کہ محکمہ موسمیات کی پیش گوئی کے مطابق  کراچی میں 5 مئی سے 8 مئی تک ہیٹ ویو کی پیش گوئی کی ہے۔ محکمہ موسمیات نے بتایا کہ تین دنوں کے دوران درجہ حرارت 40 ڈگری سے 42 ڈگری تک رہنے کی توقع ہے۔ جب کہ ہیٹ ویو کے دوران سمندری ہوائیں دن کے اوقات میں معطل رہیں گی۔